Breaking News, Latest Philippines Headlines, World, Entertainment, Politics, Weather & Video News
Sama-samang naglinis ang mahigit tatlong daang kaanib ng Iglesia Ni Cristo sa ginawang linis-bayan sa isang baranggay sa Naga. Ang layunin ng ganitong gawain ay upang makatulong na mapanatili ang kalinisan at malayo sa mga pagkakasakit ang mga tao sa nasabing baranggay. (Agila Probinsya Correspondent Gel Tejada)
Namahagi ang lokal ng pamahalaan ng lungsod ng Iligan sa lalawigan ng Isabela ng libreng corn seeds para sa mga registered farmers ng naturang lungsod. Isinagawa ang pamamahagi sa ilalim ng pangangasiwa ng Department of Agricultures sa pangunguna ni Ginang Conchita Fernandez, City Agriculture Officer at Si Ginoong Ricky Laggui GSO Officer sa atas na rin ng alkalde ng lungsod. (Agila Probinsya Correspondent Lyn Cabrido)
Sa lalawigan ng Quezon, mas pinaigting ng lokal na pamahalaan ang pagtulong sa mga senior citizen sa kanilang lugar. Ilan sa mga ibinibigay nila ay medical assistance, burial assistance, discount para sa mga gamot at groceries. (Agila Probinsya Correspondent Aloha Naron)
Naging tema naman ng pagdiriwang ng Children’s Month sa Narra, Palawan ang panawagang wakasan na ang pang-aabuso sa mga bata. Nagkaroon rin ng parada ang mga daycare students sa mahigit anim na pung daycare center sa nasabing bayan. (Agila Probinsya Correspondent Bong Margarejo)
Hindi pinalampas ng staff at mga empleyado ng Soliman E. C. Septic Tank and Disposal na panoorin ang “Felix Manalo” movie. Pinangunahan ito ni Ginoong Dennis Soliman. Ayon sa kaniya inilaan nila ang oras na ito upang mapanood ang pelikula. Isinama din niya ang kaniyang pamilya, mga kamag-anak, kakilala at kaibigan. Batay din sa kaniya pinaghandaan nila ito, bumili ng 650 tickets, at umarkila ng mga masasakyan. Dahil sa kanilang kagalakan, bumati sila bilang pagsuporta sa tagumpay […]
Pagpapahalaga at pagpapaunlad ng pagiging makabayan at pagiging maka-kultura naman ang naging tema ng tatlong araw na Regional Culture and the Arts Festival sa Bontoc, Mountain Province. (Agila Probinsya Correspondent Jaslyn Gregorio)
Isinagawa ang ika-11th Philippine National Corn Congress sa Fontana Leisure & Parks Convention Center, Clark, Pampanga, noong Oktubre 21, 2015. Ang pagtitipon ay may temang “Moving toward Enhancing Competiveness” at “Philippine Corn towards ASEAN Integration.
Umapila si Davao City Cong. Isidro Ungab sa gobyerno na magsagawa na ng cloud seeding kasunod ng epekto ng haze na nararanasan sa iba’t-ibang rehiyon ng bansa.
Nakinabang ang 15,000 kabahayan mula sa 37 barangay ng Science City of Munoz, Nueva Ecija mula sa ipinamahaging relief goods ng tanggapan ng lokal na pamahalaan. Tuloy-tuloy naman ang relief operations sa probinsya sa bayan ng Muñoz may libreng pa-charge naman ng mga cellphone hangga’t hindi pa naibabalik ang suplay ng kuryente. Habang sa bayan naman ng San Jose ay naibalik na ang power supply.
Pinayuhan ng Department of Environment and Natural Resources (DENR) ang mga taga-metro Cebu na magsuot ng protective gear laban sa haze na mula sa Indonesia. Ayon kay Environmental Management Bureau-Central Visayas Regional Director Engineer William Cuñado, ang makapal na usok na nakakaapekto ngayon sa Metro Cebu ay makakaapekto sa mga may sakit sa puso o iba pang respiratory problems gaya ng hika. Payo ni Cuñado, kung lalabas ay gumamit ng eye goggles, dust mask respirators, […]
Nagsagawa ng blood donation ang kapulisan sa Philippine National Police (PNP)-office 1st district of Laguna sa pakikipagtulungan ng Cabuyao City Police Station at ng Philippine Red Cross Volunteer-Laguna na isinagawa sa San Isidro Elementary School Covered Court. Layunin nito ang paikipagtulungan sa “Isang Dugo , Isang Buhay” at sagip dugtong buhay project na isinasagawa proyekto ng Philippine Red Cross-Laguna chapter.
Para naman matulungan ang mga taga-Cainta Rizal na walang trabaho, isang libreng seminar sa paggupit at pagkulot ang isinagawa sa nasabing bayan. Ang aktibidad ay bahagi ng “Isang Gunting , Isang Suklay” project ng lokal na pamahalaan ng Cainta.
