(Eagle News) — Makakaranas rin ng water interruption ang mga customer ng Manila Water Company mula sa ilang lugar sa Metro Manila at Rizal, simula Martes (Agosto 11) hanggang Biyernes upang bigyang daan ang maintenance procedure.
Ang water service interruption ay magsisimula gabi ng Agosto 11 at matatapos ng alas sais ng umaga Agosto 12, para sa mga residente ng Banaba at Ampid 1 sa Rizal .
Habang ang mga residente naman ng Burgos sa Rizal ay makakaranas ng interruption simula Agosto 12 ng alas tres ng madaling araw.
https://www.youtube.com/watch?v=iDa3Vrj4Swc
Ang mga customer ng Manila Water, mula Addition Hills, Mauway, Pleasant Hills at Malamin sa Mandaluyong City ay makakaranas din ng water interruption simula ika-10 ng gabi ng Agosto 11, hanggang Agosto 12 ng ika-anim ng umaga.
Ang mga residente sa bahagi ng South e.e at mother ignacia sa quezon city ay makakaranas ng water service interruption simula mamayang alas diez ng gabi hanggang bukas ng alas singko ng madaling araw…
Mawawalan din ng suplay ng tubig ang mga residente ng San Antonio , Ugong, Ocai, at Kapitolyo sa Pasig simula sa huwebes ng alas-10 ng gabi hanggang alas-6 ng Biernes ng umaga.
Ganito rin ang mararanasan ng mga nasa bahagi ng Highway Hills at Buwayang Bato sa Mandaluyong City .
