(Eagle News) — Patuloy na pinaghahanap ang labindalawa-katao mula sa nangyaring landslide sa Natonin, Mountain Province sa isinasagawang search and retrieval operations ng mga otoridad.
Naka- focus ngayon ang operasyon sa ground zero ng pinangyarihan ng landslide matapos manalasa ang bagyong Rosita.
Partikular na rito ang gusali ng Department of Public Works and Highways at iba pang istraktura na natabunan ng landslide.
Dumating na rin sa ground zero ang mga heavy equipment na sinasabing magpapabilis sa search and retrieval operations.
Noong Linggo, Nobyembre 4 una nang umakyat sa labim-pito (17) ang bilang nang mga labi na narekober sa lugar.
