MAASIM, Sarangani Province (Eagle News) – Arestado ang isa umanong miyembro ng local terror group na Ansar Al-Khilafah Philippines sa Maasim, Saranggani Province, kamakailan.
Kinilala ang naarestong suspek na si Akbar Maguid Buyoc alyas Abu Saipen.
Si Buyoc ay umanoy kanang kamay ng dating lider ng grupo na si Jaafar Maguid alyas Kumander Tokboy.
Nadakip si Buyoc, sa kasong paglabag sa article 134 ng Revised Penal Code of the Philippines o rebelyon.
Ang suspek ang taga-bili ng grupo ng mga components at pyesa ng mga improvised explosive device (IED) na ginagamit ng ISIS-inspired terror group.
Nakumpiska sa suspek ang isang fragmentation grenade. (Eagle News Service)
https://www.youtube.com/watch?v=zB2A0vzPzD4&feature=youtu.be
