Ni Jun Cronico
Eagle News Service
ZAMBOANGA CITY (Eagle News) – Pinarangalan ng pamunuan ng Police Regional Office 9 ang kanilang sampung pulis ng medalya ng kagalingan (PNP merit medal) sa isang flag-raising ceremony sa Project 9, Brgy. Mercedez, Zamboanga City noong Lunes ng umaga, Pebrero 19.
Ang mga pinarangalan dahil sa matagumpay na pagkakaaresto sa dalawang bandidong Abu Sayyaf na sina Isa Sampang at Paisar Sampang sa Brgy. Mariki, Zamboanga City noong Enero 27, 2018 ay sina SInsp. Lee Jan Ungria, PSInsp. Leonel Roncesvalles, SPO2 Jess Rick Mendoza, SPO2 Ronaldo Remoto, SPO1 Edylyn Dato, SPO1 Armela Angeles, PO3 Lunvie Ortega, PO3 Rodel Vergara, PO3 Eric Montanez at PO2 Almonjade Luddin.
Sina PCInsp. Hazel Fernandez, SPO4 Orlando Gellecania, SPO3 Eduardo Covarruvias, PO2 Asmie Joe, PO1 Edgar Gaganting ng Zamboanga City Police Station 4 (Culianan) ay kinilala din dahil sa pagkakaresto naman ASG member na si Mudrim Akbar sa Brgy. Sangali, Zamboanga City noong Enero 23, 2018.
Pinarangalan din ng medalya ng kagalingan sina: PSInsp. Felixberto Rule, Zamboanga del Sur PPO) PInsp. Marjan Sali, PO1 Mc Stuart Balang (Regional Mobile Forces Battalion 9), PSInsp. Oscar Buenaobra (Regional Intelligence Division 9).
