(Eagle News) — Pormal ng binuksan ang Annex Building Bahay Pag-asa Reformation Center sa Barangay Lamao bayan ng Limay para sa ikalabing dalawang batch ng mga buluntaryong sumuko na mga drug personality na nasa 50 at mula sa iba’t-ibang bayan na sakop ng ikalawang distrito ng Bataan at nasa 700 surenderee sa kasalukuyan sa buong lalawigan ng Bataan.
Pinangunahan ni PSSupt. Benjamin H. Silo Jr Officer-in-charge P. D. ng Philippine National Police (PNP) – Bataan ang isinagawang opening ceremony at pagkatapos nito ay isinagawa ang inspeksiyon sa magiging tirahan at tulugan ng mga surenderee.
Ayon kay PSSupt. Silo, isang buwan ang gagawing rehabilitasyon sa mga surenderee kasabay ng pagtuturo ng mga social workers, psychology doctors, libreng pag aaral mula sa tesda at iba pang sangay ng pamahalaan hanggang sa gumaling ang mga ito.
Ang Bahay Pag-Asa Reformation Center ay walang pondong itinataguyod at pinangungunahan lang ito ng mga volunteers ng illegal drugs conveners at Bataan -PPO.
Hindi naman nangangamba ang mga residente malapit sa reformation center sa kabila na mga drug personality ang kanilang magiging kapitbahay.
