ROXAS CITY, Capiz (Eagle News) – Nakipagkaisa sa pagdiriwang ng National Women’s Month ang Roxas City. Ang kanilang selebrasyon ay isinagawa sa Roxas City Plaza na pinangunahan ng Gender and Development (GAD) Focal Point System. Sa taong ito ang tema ng pagdiriwang ay “We make Change Work for Women”.
Naglalayon ito na isulong ang adbokasiya laban sa pananakit sa mga kababaihan sa lungsod.
Bilang bahagi ng pagdiriwang ay nagsagawa ng walking at jogging na nagsimula sa Roxas City Plaza. Nagsagawa rin ng Zumba Dance Exercise para sa mga dumalo.
Masiglang dumalo sa selebrasyon ang mga City Councilors ng Roxas City, Roxas City Employees at Department Heads VAWC Desk Officers. Nakipagkaisa rin ang iba pang pampubliko at pribadong sektor.
Neal Flores – EBC Correspondent, Roxas City, Capiz
