(Eagle News) – Tatlong miyembro ng Dawlah Islamiyah Group na sangkot sa kaso ng pagpatay sa tatlong sibilyan noong Diyembre 26, 2017 sa Lanao del Sur ang naaresto ng pinagsamang operasyon ng militar at pulisya.
Kinilala ang mga naarestong suspek na sina Apao Dimacalang, Ibrahim Alek Undi alyas Brad Alexander at Jamal Ramal Berongan alyas Ma-yor.
Ang tatlo ay nadakip ng pinagsamang puwersa ng 103rd Infantry Brigade ng Philippine Army, Joint Task Force Haribon, 51st Infantry Battalion at PNP Lanao del Sur sa Barangay Gacap, Piagapo.
Nang maaresto, nakumpiska sa tatlo ang dalawang kalibre kwarenta’y singko na baril. Umamin rin umano sa kanilang ginawang krimen ang mga suspek, ayon sa mga otoridad.
https://www.youtube.com/watch?v=LB6N_LXwT9Q&feature=youtu.be
