TANDAG CITY, Surigao del Sur (Eagle News) – Nagsagawa ng Brigada Eskwela sa mga paaralan sa Tandag, Surigao del Sur, noong Sabado, May 13.
Ito ay bilang paghahanda sa nalalapit na pasukan ng mga bata.
Maagang dumating sa mga paaralan partikular na sa Buenavista National High School at Maticdom Elementary School ang mga teacher, mga magulang ng mga mag-aaral, ang mga kinatawan ng Department of Education, at ilang personnel ng Tandag City Municipal Police Station upang pangunahan ang nasabing aktibidad.
Sinimulan nila ang aktibidad sa pamamagitan ng lektura mula sa mga naglilingkod sa DepEd.
Tinalakay nila ang mga alituntunin sa paaralan kung paano mapananatili ang kaayusan at kalinisan ng mga paaralan.
Pagkatapos nito ay kaagad na sinimulan ang paglilinis sa loob at labas ng mga eskwelahan, nagpintura at kinumpuni ang mga sirang kagamitan.
Sa kabuuan ay naging matagumpay ang nasabing aktibidad.
Merly Orozco – Eagle News Correspondent, Tandag City, Surigao del Sur
