MANILA, Philippines (Eagle News) — Magpapatupad ang MRT 3 ng mas maiksing operating hours ngayong holiday season.
Ito ay dahil sa inaasahang pagbaba ng bilang ng mga pasahero.
Ang regular schedule ng MRT 3 ay mula 5:30 ng umaga hanggang 10:30 ng gabi.
Ang pansamantalang pagbabago ng schedule ng MRT ay sa mga petsa at oras na sumusunod:
- 24 ng Disyembre, Linggo mula 4:45 AM hanggang 08:26 PM
- 25 ng Disyembre, Lunes mula 6:30 AM hanggang 9:50 PM
- 30 ng Disyembre,Sabado mula 4:45 AM hanggang 9:50 PM
- 31 ng DIsyembre, Linggo mula 4:45 AM hanggang 8:26 PM
- 1 ng Enero, 2018, Lunes mula 6:30 AM hanggang 9:50 PM
Samantala, nag-anunsyo na rin ang LRT-1 ng bagong schedule ngayong holidays.
Ipinabatid ni Light Rail Manila Corporation Operations Director Rod Bulario na ang operasyon ng LRT-1 sa ika-24 ng Disyembre ay mula alas-4:30 ng madaling araw hanggang alas-8:00 lamang ng gabi.
At pagsapit ng ika-31 ng Disyembre, tatakbo ang operasyon ng LRT-1 mula alas-4:30 ng madaling araw hanggang alas-7:00 ng gabi.
Balik naman sa regular holiday schedule ng LRT na mula alas-4:30 ng madaling araw hanggang alas-9:30 ng gabi sa ika-25 ng Disyembre at ika-1 ng Enero.
https://youtu.be/D8rMArciaXc