(Eagle News) — Pahahabain ng Metro Rail Transit (MRT) ang kanilang operasyon para higit na maserbisyuhan ang pagdagsa ng mga pasahero ngayong holiday rush.
Ayon sa Department of Transportation (DOTr), simula sa darating na linggo, 16 ng Disyembre, ay mas maaga ng mahigit tatlumpung (30) minuto ang unang byahe ng mga tren na magmumula sa istasyon ng North Avenue.
Pasado alas-onse naman ang magiging huling biyahe ng tren na magmumula sa istasyon ng Taft Avenue.
Bukas din sa publiko ang serbisyo ng tren sa Disyembre 25 at bagong taon.
