DFA: Pilipinas hindi isusuko kahit katiting na teritoryo para sa China

(Eagle News) — Iginiit ng Department of Foreign Affairs (DFA) na hindi isusuko ni Pangulong Rodrigo Duterte ang bahagi ng teritoryo ng bansa.

Ito ay sa kabila ng naging pag-amin ni Pangulong Duterte na mistulang inaangkin na ng China ang ilan sa mga pinag-aagawang teritoryo sa south china sea.

“No, because I said China is already in possession. It’s now in their hands. So why do you have to create frictions, strong fri[ctions], [or] a military activity that will prompt a response from China?” naging pahayag ng Pangulo sa kaniyang naging talumpati sa ginanap na 33rd ASEAN Summit na isinagawa sa Singapore.

Sa kabila nito, sinabi ni Foreign Affairs Secretary Teodoro Locsin Jr., na hindi isusuko ng Pilipinas sa China ang territorial claims ng bansa sa West Philippine Sea.

Giit ni locsin, kahit noong ambassador pa lamang siya ng bansa sa United Nations ay inihahayag na niya na hindi isusuko ng Pilipinas ang soberenya nito.

“I don’t think there are claims of ownerships, there are claims of sovereignty. They are weather stations. I would stand up in the UN (United Nations) and I would assert what are our rights, what was the nature of the Hague tribunal decision under UNCLOS to which both China and Philippines subscribe,” pahayag naman ni Locsin.

Inaangkin ng China ang buong South China Sea kabilang na ang mga bahagi ng West Philippine Sea.
Ito ay sa kabila ng desisyon ng Arbitral Tribunal noong July 2016 na ang Pilipinas ang may karapatan sa mga inaangkin nitong isla.

https://youtu.be/GCAFOiRvQT4