BALANGA City, Bataan (Eagle News) — Nagsagawa ng blood donation ang mga miyembro ng Iglesia ni Cristo sa Bataan nitong Sabado, ika-13 ng Mayo.
Isinagawa ang aktibidad sa pangunguna ni District Minister Bro. Manuel Soriano, Jr. sa covered court ng Bataan National High School sa Balanga.
Mahigit 200, o 299, ang kabuuang nagparegister, at 193 ang pumasa sa screening at nakapagdonate ng dugo.
Bawat isa sa 193 katao ay nagdonate ng tig-450cc na dugo.
Sa kabuuan ay nakakuha ng 86,850 cc na dugo, na pakikinabangan ng Philippine Children’s Medical Center.
(Eagle News Correspondent Josie Martinez)
