URDANETA City, Pangasinan (Eagle News) — Sa kauna-unahang pagkakataon sa lalawigan ng Pangasinan, Distrito ng Pangasinan East, isinagawa ng mga kaanib sa Iglesia ni Cristo ang Pamamahayag ng mga Salita ng Dios sa isang mall sa Urdaneta City, Pangasinan. Pinangunahan ito ng mga opisyales ng Society of Communicators and Networkers (SCAN) International. Ang nagturo naman sa nasabing pamamaahayag ay si Bro. Ignacio Garcia, Jr.
Bahagi ng isinagawang paghahanda ng nasabing aktibidad ay namahagi sila ng mga polyeto sa loob ng gusali. Nakipagkaisa din ang mismong manager ng mall na nakapagdala ng maraming panauhin para makinig sa nasabing Pamamahayag. Layunin ng aktibidad na maibahagi sa mga hindi pa kaanib sa INC ang mga aral na kanilang sinasampalatayanan.
Ang mga miyembro ng INC sa nasabing lalawigan ay patuloy na nakikipagkaisa sa ganitong gawain. Nangangako sila na hindi nila pababayaan ang gawain pagpapalaganap at mamalaging kaisa ng kasalukuyang Pamamahala ng INC sa pangunguna ni Bro. Eduardo V. Manalo, INC Executive Minister.
Courtesy: Rusell Failano, Jericho Jade Madolid, at Luz Abaya – Urdaneta City, Pangasinan Correspondents