(Eagle News) — Ligtas naman ang mga Filipino sa Indonesia matapos ang magnitude 7.5 na lindol at tsunami noong Biyernes, Setyembre 28.
Ito ang kinumpirma ng Department of Foreign Affairs (DFA) sa kabila ng pagsampa ng bilang ng nasawi sa mahigit walongdaang (800) katao.
Ayon kay Philippine Ambassador to Indonesia Leehiong Wee, bagaman may isang Filipino ang naapektuhan sa Palu City, Sulawesi Island, ligtas naman ito.
Nakapiit aniya ang Filipino sa Lapas Penitentiary sa hindi pa mabatid na kaso.
Samantala, nagpaabot naman ng pakikiramay ang gobyerno sa mga pamilya ng nasawi sa trahedya.
Nagpahayag ng kahandaan ang gobyerno ng Pilipinas para sa agarang pagresponde at pagabot ng tulong.
“We join the people of Indonesia in offering our prayers to the hundreds who died after a powerful 7.4 earthquake and tsunami hit Central Sulawesi last Friday. The only Filipino in the area, as per the Department of Foreign Affairs (DFA), is safe. The Philippines is ready to respond and extend assistance to Indonesia,” pahayag ni Presidential spokesperson Harry Roque.
Mensahe naman ni Foreign Affairs Sec. Alan Peter Cayetano, “We grieve with our Indonesian brothers and sisters and stand hand in hand with them in praying for all of those who lost their lives in this tragedy.”