(Eagle News) – Sinimulan na ng Commission on Higher Education (CHED) ang proseso sa pag-amiyenda sa isang probisyon ng Implementing Rules and Regulations (IRR) kaugnay ng free tuition fee policy para sa mga mag-aaral ng State Colleges and Universities para sa kasalukuyang school year.
Ayon kay CHED Commissioner Prospero de Vera, layon nitong matiyak na tanging ang mga mahihirap ngunit karapat-dapat na mga mag-aaral lamang ang masasaklaw ng nasabing programa.
Paliwanag ni De Vera, nakabatay sa household income ng isang pamilya kung masasaklaw ba o hindi ng nasabing programa ang isang mag-aaral.
Bagamat mananatiling prayoridad ang mga mag-aaral na nasa ilalim ng Student Financial Assistance Program, sinabi ni De Vera na tutukuyin naman sa kanilang simplified bracketing ang iba pang posibleng benepisyaryo ng programa.