Pagdagsa sa NLEX ng mga pabalik sa Metro Manila, asahan dahil sa mahabang bakasyon

(Eagle News) — Inaasahan na ang pagdagsa sa North Luzon Expressway (NLEX) ng mga kababayan natin na pabalik na ng Metro Manila sa weekend matapos ang tatlong araw na walang pasok dahil sa ASEAN Summit.

Sinabi ni NLEX Traffic Supervisor Ariel Salita, inaasahan nila ang pagdagsa ng mga motorista nitong Miyerkules pa lamang, subalit nanatiling maayos ang daloy ng trapiko noong araw na iyon, kaya naman maaaring ngayong weekend pa lamang sila magsisi-uwian.

Sa kabila nito, nagbigay na ng abiso ang pamunuan ng NLEX na maghanap ng alternatibong ruta dahil sa posibleng pagsisikip ng daloy ng trapiko sa Balintawak southbound Lane papuntang EDSA.