P10 minimum na pamasahe sa jeepney, pinagtibay na ng LTFRB

(Eagle News) — Inaprubahan na ng Land Transportation Franchising and Regulatory Board (LTFRB) ang sampung pisong hirit na taas pamasahe sa jeep ng mga transport group.

Una nang ihinirit ng transport group ang pisong dagdag pamasahe na inaprubahan nito lamang July 6, 2018.

Karagdagang piso naman sa unang apat na kilometro. Mula sa walong pisong orihinal na pamasahe ay magiging sampung piso na ito.

Sa desisyon na inilabas ng LTFRB, nakasaad na, “grant the petition for a fare increase, to make permanent the provisional fare increase of P1 granted on July 6, 2018 and an additional P1 for the first four kilometers or a minimum fare of P10 from the original fare of P8.”

Samantala, nilinaw naman ng Department of Transportation-LTFRB na ang nasabing desisyon ay hindi pa maaaring ipatupad ng mga tsuper hanggang hindi pa opisyal na inirerelease ng ahensya ang desisyon ukol sa fare hike.

We regret that a document was leaked even before it was certified as official. Please be informed that the LTFRB will release an official copy once the document is signed by the LTFRB Executive Director and is marked as docketed,” sabi ng DOTr-LTFRB.

“We request the drivers to wait until the LTFRB releases the official document on the fare hike before charging any additional fare,” dagdag nito.

https://youtu.be/R6ZyFHocC5g