MANILA, Philippines (Eagle News) — Nag-aalok ng summer jobs ang Metropolitan Manila Development Authority (MMDA) sa 200 estudyante.
Bahagi ito ng Summer Program for Employment of Students na bukas sa mga estudyante sa college at graduating high school students.
Ang mga estudyante ay itatalaga sa mga gawain sa opisina sa ahensya at magsisilbing informant sa mga problema sa trapiko.
Ang mga aplikante ay dapat ay nasa 17 hanggang 25 taong gulang.
Ang application forms ay makukuha sa main office ng MMDA sa Orense Street, Makati City.
