Ilang barangay sa Quezon City, mawawalan ng 4 hanggang 6 na oras na suplay ng tubig

QUEZON CITY, Philippines (Eagle News) — Makararanas ng water service interruption ang ilang mga barangay sa Quezon City mula mamayang  gabi hanggang bukas ng umaga.

Sa abiso ng Maynilad, magsisimula ang water interruption sa Barangay Kaligayahan alas 11:00 ng gabi at tatagal hanggang alas 3:00 ng madaling araw.

Ito ay dahil sa isasagawang maintenance activity ng Maynilad sa Parthenon Street malapit sa Olympus street.

Simula alas 10:00 naman ng gabi hanggang alas 4:00 ng umaga ang water service interruption sa Barangay Talayan at bahagi ng mga barangay Sto. Domingo at Siena.

Ayon sa Maynilad, may isasagawa silang maintenance activity sa N.S Amoranto kanto ng  G. Araneta Avenue at G. Araneta Meterbanking.

Pinayuhan ng Maynilad ang mga apektadong residente na mag-imbak na ng tubig.