By Paulo Macahilas
Eagle News Service
(Eagle News) — Isanglibong kabahayan ang tinupok ng apoy sa Gate 10 Parola Compound, Tondo, Maynila.
Nagsimula ang sunog dakong 9:38 ng Martes ng gabi (Pebrero 7) na unang inakyat sa ikalimang alarma
Dakong alas dose ng hatinggabi ay itinaas na ito sa Task Force Delta. Ibig sabihin, kailangan na ang tulong ng lahat ng mga firetruck sa buong kamaynilaan at kalapit Lungsod nito
Aabot sa higit 3,000 pamilya ang naapektuhang ng nangyaring sunog na nagsimula sa ground floor na bahay ni Nanay Andang
Ang mga nasunugan ang nagpalipas ng magdamag sa kalye habang binabantayan ang kanilang mga naisalbang gamit
Ayon sa Bureau of Fire Protection (BFP), isa sa dahilan kung bakit nahirapan apulahin ang apoy dahil gawa sa kahoy ang mga kabahayan
Mula sa harapang bahagi ng Parola Compound ay kumalat ito sa gilid at likurang bahagi
Tumaas pa ang tensyon sa pagitan ng mga pamatay sunog at residente sapagkat napakatagal umalis ng bumbero sa Parola upang kumuha ng tubig
Ngunit ayon sa mga bumbero, hindi agad sila makaalis upang kumuha ng tubig dahil napuno na ng mga tao ang kalsada na kanilang dadaaanan.
Aabot sa P6 na milyong halaga ng ari-arian ang tinupok ng apoy. Pitong katao naman ang naitalang nasugatan
Problema ngayon ng mga residente kung saan sila kukuha ng pera na maipampapatayo muli ng bahay kaya naman humihingi sila ng tulong sa lokal na pamahalaan ng Maynila
